9月5日

好耐無開爐啦~~~終於到左老公豬一年一度既生日....梗係要大顯身手啦~
話說果日....我地約好左一大班朋友仔....去左觀塘食日式放題呀....
wow....真係好好味嫁bo~~間餐廳叫做 "外野手" 日本料理.....係朋友介紹....
8:30 我地一坐落.....我就請人幫我地放個cake入雪櫃先嫁啦係咪?
點知佢話要收我地切餅費50大元呀....真過份....又唔係酒店....
好在一大班人share返都唔算貴啦....唔緊要....開心最緊要呀嘛....
到左 9:45....我就叫佢地拎出黎啦....點知佢一行埋黎....cake仲拎係佢手...
佢就話 : 不如我幫你地切啦? 好嗎? ...我地即刻大大聲叫住....真火大...
我即刻用一個 "你白痴的嗎?" 既語氣....(係語氣only)....
我話 : 唔好~~~~你....放....低....先...ok?   (誓死保護蛋糕!!!)
(大家一齊心諗....生日蛋糕梗係壽星仔切嫁啦....你到傻傻地...唔洗許願吹蠟燭呀?)
佢一走開...一齊講...佢傻左呀 / 佢無腦 / 好彩叫得住...等等....
我當然嚇到冷汗都出埋啦~~~^_^"
我辛辛苦苦整出黎....佢想連個全相都唔比大家睇下咩?
唔通裝飾得咁辛苦...比佢切到一忽忽咁先上台?!....50蚊都唔洗咁下話?
終於個蛋糕都順利去到最後....吹完蠟燭....切完....大家都話好食....
嘻嘻....真係好開心呀....不過因為佢個雪櫃好似唔涷咁....
定係跟本無雪櫃放=_="....個cake食果時已經有dd溶咁....謝謝地....嗚...
今次我仲係最後....整左3塊朱古力葉放上去....但係之後先發現唔記得左影相呀...
好啦....唔好咁長氣啦....比大家睇下生日會既蛋糕先啦~~*

嘻...上面呢d裝飾....我整左好耐嫁啦....砌左好耐先滿意~^^

為左令佢地唔好因為拎出街而移位....我塗左一層果面光亮劑~*

因為唔可以係屋企切完影靚相呀....所以唯有係餐廳影...
因為燈光太暗....刀又唔利....所以無一幅靚切餅相了....唔好介意^^~*

上面睇得到...有一塊朱古力葉係我自己整嫁....好滿意喔~^^
個蛋糕實質有好多層....由最底開始數起....係有 :
消化餅底 / 新鮮藍莓 / 雪芳蛋糕 / 提子味jelly粒粒
其實今次都係做一個之前做過既cake....因為有保障d lor....唔敢試新野....
為左下次好快黎緊既朋友生日....有一個新款既cake....
我會好快再整新款蛋糕....研究一個最好既....咁就萬無一失了~*

P.S. 因為小夢整cake時比較趕時間....無時間影過程相....sorry~

藍莓芝士涷餅   (參考自RTHK)  

餅底 :    (7吋模)
消化餅 (壓碎)                       90g
無鹽牛油  (熱溶)                  40g

藍莓芝士漿 :
忌廉芝士                              250g
糖                                          60g
淡忌廉                                  220g
魚膠粉                                  2茶匙
涼開水                                  2湯匙
藍莓果餡                              60g

原味雪芳蛋糕 :
請參考舊post : http://hk.myblog.yahoo.com/coco-dream/article?mid=1466
一湯匙可可粉以一湯匙麵粉代替即可

做法 :
1) 蛋糕模底鋪上卡紙一張, 消化餅碎與牛油拌勻, 平均壓於餅底上, 放雪櫃備用
2) 忌廉芝士加入糖, 用打蛋器打滑至溶解, 再加入藍莓果餡打勻
3) 魚膠粉加入涼開水拌勻, 再用熱水隔水座溶
4) 淡忌廉打起至6分, 備用
5) 將少許忌廉芝士漿, 加入魚膠水內拌勻, 然後再重覆一次, 慢慢降溫,
    令魚膠水的溫度不會因急降而導致變成硬塊, 最後將魚膠水落入芝士內打勻
6) 將已打起的忌廉以fold-in方法加入並拌勻
7) 將 1/2 芝士漿倒入餅模內, 加入藍莓, 再鋪入一塊雪芳蛋糕, 
    放上jelly粒, 再倒入餘下的芝士漿, 抹平, 放雪櫃雪至凝固便成